Wala akong pake noon sa wrestling at iba pang isports na nilalaro ng mga atleta dahil hindi naman ako interesado at wala akong balak na magbigay ng interes dito, ngunit nung nakita ko kung paano sila nag eensayo binago nito ang aking pananaw sa mga larong isports.

Dugo, pawis at kaluluwa, ganyan kung bigyan nila ng halaga ang kanilang pag eensayo kaya mas na enganyo akong pag-aralan at bigyan ng interes ang kanilang ginagawa sa kada paghahanda upang manalo sa mga paparating na labanan.

Napag-isip-isip ko na bakit hindi ko bigyan ng pansin ang mga gantong bagay kaysa sa humilata na lang sa bahay at selpon ay paglaruan, kaya sinubukan kong manood kasama ang aking ama ng mga gantong isports sa telebisyon o sa selpon.

Para sa akin na nagsisimula ng magbigay ng interes sa ganoong bagay ay nakikita at nararamdaman ko na ang determinasyon, pagod at paghihirap nila, kahit na ako’y nanonood lamang sa mga ginagawa nila. 

Kung ako ang masusunod, maliban sa edukasyon ay mas pagkatutukan ang mga atletang lumalaban mapa dibisyon man dahil dito nila sinisimulan ang ang kanilang pag-angat at magbibigay rin ito sa kanila ng motibasyon na mas pag-igihin pa ang pagsasanay para manalo, di lang para sa sarili kundi para sa bayan.

Noong una inaamin kong hindi ako interesado sa mga ganitong usapan, pero nung ako’y namulat sa hirap nila ay at nalaman ang mga nakamit nila sa iba’t ibang larangan at kategorya ay namangha at napabilib ako.

Buo ang suportang ibinibigay ko ngayon sa mga wrestler at sa iba pan mga atleta lalo na at paparating na ang SOCCSKSARGEN Regional Athletic Association (SRAA) meet 2025.